تحدي 29 يوم - اليوم العاشر
مساء الخير
المقدمة :
بالبداية احب اشكر مرتضى والجروب كله على هالفكرة الحلوة ,مشاركتي هي تعلم اللغة الاسبانية واصل لمستوى يمشي حال , والحمدلله انو اني شاركت بهالتحدي لان داححس حققت هواي اشياء حلوة راح اذكرها بالقطعة الجاية .
الموضوع /
اول يوم بالتحدي شفت فيديوات هواي من ضمنها هذا الفيديو , المشاعر الي انتابتني كانت خوف من اللغة على صعوبتها وندم اني شاركت التحدي وقلت اني شورطنييييييييي هي مال اسباني بهالزلك ههههه , بعدين قلت يلا خل امشي هيج عالواهس من نزل رابط التقرير وومدري شنو ولازم تنزلون قبل الساعة 11 قلت لا خل اشد حيلي واتابع ( حبيت انه اكو متابعة ووضعنا بامر الواقع ) طلعت اللغة اذا تمشي بيها شوي شوي تكدر تتعلمها وراح تحبها.
واجهتني مشاكل بلفظ الحروف رغم بذلي لمدة (1-2) ساعة يوميا الا انه ياهو الالفظه يطلع غلط ,اكتشفت اني دا امشي على حروف الانجليزي وهم الهم الفاظ مختلفة بحروف مدمجة سهلتها علي الاخت الوردة بهذا الفيديو.
مو بس الفيديووات الي عاليوتيوب الي درست عليها وتعلمت لا استخدمت تطبيق اسمه busuu فادني جدا و واضح ومبسط, الحمدلله احس نفسي بلغت الهدف اليسموه short term الي مخليتهم خلال هال29 يوم وباذن الله اوصل الlong term goal, شغلة اخرى همين اتشكركم عليها وممتنة الها هي تعرفي على اصدقاء طموحين ويحبون الخير اكيد.
الخاتمة/
اني نفسيا واثقة وراضية بخطتي الحالية والاتية من هالتحدي , اول شغلة مقررتها بالايام الجاية انه احاول احظر افلام اسبانية وابرمج دماغي عالالفاظ , ثاني شغلة راح احاول اقرا قصص من العم جوجل واتعلم مصطلحات يومية ...واخيرا هذا فيديو لتجربتي بتقديم نفسي والسؤال حول التعارف .. وشكرا.
تعليقات
إرسال تعليق