تحدي 29 يوم - مدونة اليوم 20
مساء الخير ..💥
اني سرى حسام من الموصل .. ترا اني بطلة بالتحدي وبلا تحدي , خاف عبالكم بس وياكم بطلة وهيج ؟؟ لا عيني لااا هههههه .. المهم اني مشاركتي بهذا التحدي لغرض تعلم اللغة الاسبانية , ببداية هذا التحدي جان الهدف مستوى متوسط من الامكانية للحجي , وبفضل متابعتكم دا اطبق كل يوم لايقل عن ساعة بهالاسبوع , راح اكللكم ليش بالعرض .👇
- سريع سريع .. الشغلات والمصادر الي استخدمتها قبل نفسها هي ما غيرتها - مسلسل تعليمي - تطبيق busuu - قناة الاخت ماجدة عاليوتيوب - قاموس جوجل جان خيار غلط لان الالفاظ والمخارج طلع يكولها غلط ف عفته - اما عن التقدم الي صار بالخمس ايام الفاتت ضعيف و مو راضية عليه, يمكن جرعات الكورتيزول او المرض تعبني واعاق تقدمي لكن حافظت عالاستمرار ولو مراجعة للي تعلمته قبل - لذلك اني لاراضية عالجهد ولا عالنتيجة لكن ان شاء الله اوصل للهدف لان حستمر بعد التحدي وممنوع اوقف .👊
- اخر شغلة احب اشارككم ياها هي مشاعري العظيمة جدا بنظري انه اني شاركت بروحية التحدي وهالشي بيه نسبة كبيرة من شعوري بالامل انه اني راح استعيد عافيتي واكمل طموح واحلام وتحديات , ححاول بالايام هاي اعوض النقص الصار من نفس المصادر .. حلوة صحبتكم ككل مرتضى وابوبكر وبقية الشلة والاصدقاء المشاركين الموفقين ان شاء الله جميعا .. الفيديو التالي يوضح شنو حفظت وتعلمت ... جهودكم مشكورة ومباركة والسلام .👋
تعليقات
إرسال تعليق